Itxi

2022/01/11

12:31

Gizartea

Koronabirusa

Hiru pertsona hil dira Nafarroan covid-19ak jota, eta 27 erietxeratu behar izan dituzte, horietako sei ZIUn

Eider Garaikoetxea O. | EITB MEDIA

Guztira, 246 pertsona daude ospitalean, horietako 35 larri.

  • Nafarroako txertaketa gune bat.

    Nafarroako txertaketa gune bat. Argazkia: EITB Media

  • Whatsapp
  • Whatsapp
  • Telegram
  • Bidali

Izurriak Nafarroako ospitaleen egoera zailtzen jarraitzen du, eta astelehen honetan 27 pertsona erietxeratu behar izan dituzte, horietako sei ZIUetan. Hori horrela, denera, 246 pertsona daude ospitalean, horietako 35 larri. Horrez gain, beste hiru pertsona zendu dira koronabirusak eraginda, Foru Gobernuak emandako datuen arabera.

3.507 positibo berri atzeman dituzte Foru Erkidegoan, 7.113 proba diagnostiko egin ostean. Egindako proben ia erdiak (% 49,3) positibo eman du. Kutsatzeak duela astebete zenbatutakoetatik gora daude (3.136), baita duela 14 egun atzemandakoetatik ere.

Izurriak gehien kaltetutako udalerri edo osasun guneei dagokionez, Tutera da denen buru, 210 kasurekin. Ondoren daude Burlata (123), Sarriguren (110), eta Iruñeko Arrotxapea auzoa (100). Gainerakoan, Iruñeko Txantrea auzoan 97 positibo zenbatu dituzte; II. Zabalgunean, 92, eta Arrosadian, 90.

Egoera horren aurrean Foru Gobernuak erabaki du Gabonetan indarrean egon diren murrizketak luzatzea. Maria Chivite Nafarroako presidenteak onartu duenez, "egungo egoera ez da duela 15 egun genuena baino hobea".

Txertaketari dagokionez, astelehenean 4.951 dosi jarri ziren Nafarroan. Horrenbestez, 540.778 nafar daude pauta osoarekin.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;