Itxi

2022/01/12

17:26

Gizartea

Koronabirusa

Euskalduntze ikastaroetan ari ziren 206 irakasle liberatu lanera itzuli beharko dira covid bajei aurre egiteko

EiTB Media

Hezkuntza Sailak lanpostura bueltatzeko erabakia hartu du, covid-19ak eragindako bajen gorakadari aurre egiteko. Era berean, haien ordezkoek lanean jarraituko dute.

  • Argazkia: EFE

    Argazkia: EFE

  • Whatsapp
  • Whatsapp
  • Telegram
  • Bidali

Euskalduntzeko eta euskarazko eskola materiala prestatzeko liberaturik dauden irakasleak lanpostura itzuli beharko dira ostegun honetan bertan. Guztira, 260 irakasle dira.

Eusko Jaurlaritzako Hezkuntza Sailak lanpostura bueltatzeko erabakia hartu du, covid-19ak eragindako bajen gorakadari aurre egiteko.

Era berean, haien ordezkoek lanean jarraituko dute, eta ikastetxe bakoitzean langileen berrantolaketa bat egingo dute.

IRALE ikastaroak astelehenean hasi ziren, baina pandemiaren ondorioz, Eusko Jaurlaritzak bertan behera uztea erabaki du gutxienez urtarrilaren 28ra arte.

Egoera aztertuko dute urtarrilaren 31tik aurrera irakasleen trebakuntzari berriro heltzeko, baina ikastaroak berriz hasten ez baldin badira, egoerak bere horretan jarraitzen duela ulertu beharko da, Hezkuntza Sailak ohar batean zehaztu duenez.

ELA: "Inprobisazioaren beste adibide argi bat da"

IRALE ikastaroen liberazioak bertan behera uztea Hezkuntza Sailaren "beste inprobisazio adibide argi" bat dela uste du ELA sindikatuak.

"Irakasleei guztia egun batetik bestea jakinarazi zaie, eta ez dute langileen ordezkariekin partekatu, are gutxiago negoziatu", salatu du sindikatu abertzaleak.

ELAren hitzetan, "pandemiaren seigarren olatuan murgilduta, eta Eguberrietako oporretatik bueltan, eskola itzulera zail baten aurrean", Hezkuntza Saila "erabateko inprobisazio eta plangintzarik gabeko kudeaketa egiten ari da".

  • Bisitatuena

      Kargatzen ikusiena
      Kargatzen ikusiena
    ;