Gizartea -

Indarkeria matxista

Frantziako epaitegi batek Sara Pinaren senarra Espainiaratzea aztertuko du gaur

Poitierseko Apelazio Auzitegiaren instrukzio aretoak euroagindua aztertuko du, Espainiaratu ala ez erabakitzeko.

Argazkia: EFE
Argazkia: EFE
Argazkia: EFE

Agentziak | EITB Media

Whatsapp Facebook Twitter Telegram Email

Poitierseko (Akitania Berria) Apelazio Auzitegiak Sara Pinaren senarra Espainiaratu ala ez aztertuko du gaur. Bien bitartean, Tuterako (Nafarroa) krimen matxistaren ustezko egilea kartzelan dago.

Fiskaltzak ostegunean jakitera eman zuenez, Espainiaren euroagindua jaso ondoren espetxeratu zuten atxilotua.

Tuterako epaile batek eskatu zuen 41 urteko gizona atxilotzea, urtarrilaren 8an edo 9an emaztea "indarkeria handiz labankadak emanaz" hil zuen zantzuak ikusi zituelako. Ustez, emaztea hil ondoren, Frantziara ihes egin zuen.

Gizona urtarrilaren 11n atxilotu zuten, Boisredongo zerbitzugune batean, Bordeletik gertu, jendarmeek ibilgailua identifikatu ondoren.

Sara Pina 38 urteko irakaslea sortzez Corteskoa zen, baina Tuteran bizi zen. Indarkeria matxistaren lehen biktima da 2022an Euskal Herrian.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Indarkeria matxista Nafarroa Tutera Espainia albisteak Frantzia Gizartea Indarkeria matxistaren biktimak Eguneko albisteak Albisteak Matxismoa Feminismoa