Itxi

2022/01/15

19:23

Gizartea

Gipuzkoa

Furgoneta batek txirrindulari bat harrapatu du nahita Hondarribian

eitb media

Txirrindularia ospitalera eraman behar izan dute, buruan kolpea jasota. Udaltzaingoak jakinarazi duenez, liskarra izan dute furgoneta gidariak eta txirrindulariak, eta nahita harrapatu du. Jendarmeriak atzeman egin du gidaria Lapurdin.

  • Whatsapp
  • Whatsapp
  • Bidali

Furgoneta batek txirrindulari bat harrapatu du nahita Hondarribiako (Gipuzkoa) Mendelu kalean, 16:45 aldera, udalerri gipuzkoarreko Udaltzaingoak jakinarazi duenez.

Furgoneta gidariak ihes egin du harrapaketa gertatu den lekutik, baina Jendarmeriak atzeman egin du muga igaro eta kilometro batzuetara.

Aipatu iturrien arabera, liskarra izan dute txirrindulari donostiarrak eta furgoneta gidariak (nazionalitate frantziarrekoa). Azken horrek nahita harrapatu eta arrastaka eraman du txirrindularia.

Gertakariaren berri izan eta berehala, anbulantzia bertaratu da zauritutako gizonezkoa artatzera, baina azkenena ospitalera eraman behar izan dute buruan zuen kolpea sendatzera.

Furgoneta gidariak, berriz, ihes egin du, baina Udaltzaingoa eta Ertzaintza Jendarmeriarekin harremanetan jarri dira gertakariaren berri emateko, eta horiek izan dira azkenean gidaria atzeman dutenak, muga igaro eta kilometro batzuetara. 

  • Bisitatuena

      Kargatzen ikusiena
      Kargatzen ikusiena
    ;