Balea bat hilik topatu dute Elantxoben

Balea handi bat hilik agertu da astearte honetan Elantxoben (Bizkaia), arrantza portutik gertu dauden haitzetan.

Herrizaingo Sailak azaldu duenez, balea herritar batek ikusi du, 15:40 inguruan. Ondoren, Eusko Jaurlaritza harremanetan jarri da egoera hauetarako eskuduntza duten erakundeekin, hots, Ingurumen Sailarekin, Itsas Salbamenduarekin, Ambar itsas fauna zaintzeko elkartearekin eta Elantxobeko portuaren arduradunekin.

Ertzaintzak itxi egin du ingurua, herritarrak gorpura hurbiltzea galarazteko.

Antza denez, balea arra da, 12 metro luzekoa eta 15-20 tonakoa.