Berrobiko 39 urteko gizonezko bat hil da Balerdi mendian amilduta

Ertzaintzak jakitera eman duenez, 50 metrotan behera erori da mendizalea eta tokian bertan hil da. Larunbat honetan, Berastegiko 27 urteko beste gizonezko bat hil zen Huescako Pirinioetan.

Ertzaintzaren helikopteroa, istripuaren tokian. Argazkia: Ertzaintza. — Asteburu beltza euskal mendizaleentzat

EITB MEDIA

publikatuta: 2022/01/16 16:15 (UTC+1)

azken eguneratzea: 2022/02/01 13:23 (UTC+1)

Berrobiko 39 urteko mendizale bat hil da Balerdi mendian, Aralar mendilerroan, 50 metrotan behera amilduta.

Eusko Jaurlaritzako Segurtasun sailak jakitera eman duenez, inguruan zebilen beste mendizale batek deitu du larrialdi zerbitzura, pertsona bat erorita ikusi duela jakinarazteko. Osasun-langileak, suhiltzaileak eta Ertzaintzako erreskate taldeko agenteak joan dira esandako lekura, eta toki harritsu batean aurkitu dute gorpua.

Helikopteroaren laguntzarekin erreskatatu dute gorpua.

Asteburu beltza izan da honakoa euskal mendizaleentzat. Atzo, Berastegiko 27 urteko beste gizonezko bat hil zen Huescako Pirinioetan, Aspe mendian, amildegi batetik behera erorita.

Hau zure interesekoa bada, baliteke beste gai hauek ere izatea

Ertzaintza Gipuzkoa Gizartea Eguneko albisteak Albisteak Mendiko istripuak Aralar mendilerroa

Berrobiko 39 urteko gizonezko bat hil da Balerdi mendian amilduta

Esteka kopiatuta