Gizartea -

EUSKADI IRRATIA

Eneko Goia: "Realzale eta donostiar bezala lotsatu egiten nau, benetan gaitzesgarriak diren portaerak dira"

Realaren eta Atletico Madrilen arteko partidaren atarian, Anoeta kanpoaldean izandako istiluak gaitzetsi ditu Donostiako alkateak. Horrez gain, San Sebastian bezpera lasaia izan dela nabarmendu du.

Eneko Goia Donostiako alkatea. EITB Mediaren bideo batetik ateratako irudia
Eneko Goia Donostiako alkatea
Eneko Goia Donostiako alkatea. EITB Mediaren bideo batetik ateratako irudia

play icon 3:14

Onintza Aiestaran | EITB Media

Whatsapp Facebook Twitter Telegram Email

San Sebastian egunaren bezperan, Realaren eta Atletico Madrilen arteko futbol partidaren atarian Anoeta kanpoaldean izandako istiluak gaitzetsi ditu Eneko Goia Donostiako alkateak. Benetan portaera gaitzesgarria dela azpimarratu du Euskadi Irratiko "Faktoria" saioan egin dioten elkarrizketan: "Eman genuen espektakulua lekuz kanpo dago erabat. Realzale eta donostiar bezala lotsatu egiten nau horrelako gauzak ikusteak. Nik uste benetan gaitzesgarria den portaerak direla". Hori albo batera utzita, gaua lasaia izan dela nabarmendu du. Gaur egun dauden murrizketekin tabernek 01:00ak arte zabaltzeko baimena zuten.

San Sebastian eguneko ohiko ekitaldiak bertan behera gelditu dira, eta haurren danborrada izango da eguneko ekitaldi bakarra Donostian. 12:00etan hasiko da, baina ezohiko moduan egingo dute, hiriko bost auzotan banatuta. Eneko Goiak Euskadi Irratian iragarri duenez, "batetara behintzat hurbilduko naiz".

Urtero, eguraldiari begira izaten dira danborradako parte-hartzaileak, eta aurten ere ez da salbuespena izango. Eneko Goiaren esanetan, eguraldi iragarpenaren arabera ez du euri asko egingo, baina egingo balu igandera atzeratuko litzateke.

Urrezko Danborra Esther Ferrerri emateko ekitaldiaz galdetuta, Eneko Goiak esan du ulertzen duela egungo egoerarekin artista Donostiara etorri ez izana. Goia bera Parisera joan zen saria ematera, eta "oso pozik eta eskertuta" ikusi zuen sariduna.

Hau zure interesekoa bada, baliteke beste gai hauek ere izatea
Donostiako Udala albisteak Danborrada 2024 Donostiako azken albisteak Gipuzkoako albisteak Eneko Goia albisteak Gizartea Eguneko albisteak Eguneko albisteak Irratia euskaraz