Galdakaoko Ospitalean piztutako sute txiki bat itzali dute

Sute bat piztu da gaur arratsaldean Galdakao-Usansolo Ospitalean (Bizkaia), baina handik gutxira itzali du langile batek, eta ez da inor zauritu. Sugarrek, hori bai, kalte material txikiak egin dituzte.

Eusko Jaurlaritzako Segurtasun Sailetik azaldu dutenez, larrialdi zerbitzuek 16:10ean inguru izan dute suaren berri, eta ondoren suhiltzaileak eta Ertzaintza bertaratu dira.

Kearen ondorioz, hirugarren solairuko hainbat paziente eta langile ospitaleko beste leku batera eraman behar izan dituzte, baina dagoeneko itzuli dira euren geletara eta lanpostuetara.

Sua mantenimendu gela batean piztu da, eta langile batek amatatu du, su-itzalgailu batekin. Gelak aireztatu eta gero, 16:30ean inguru eman dute egoera kontrolatutzat.

Suhiltzaileek ikerketa abiatu dute, sua zerk eragin duen argitzeko.