Gizartea -
IKERKETA
Ibaizabal ibaian, Galdakaon, hilda aurkitu zuten adin txikiko baten heriotza ikertzen ari dira
Asteazkenean aurkitu zuten gorpua. Bizkaiko Aldundiko Gizarte Ekintza sailak EITB Mediari baieztatu dionez, bidaiderik gabeko adin txikiko atzerritarrentzako Galdakaoko zentro batean bizi zen biktima.
EITB MEDIA
Adin txikiko baten gorpua aurkitu zuten, joan den asteazkenean, Ibaizabal ibaian, Galdakao parean.
Bizkaiko Aldundiko Gizarte Ekintzak EITB Mediari baieztatu dionez, Aldundiko egoitza batean bizi zen gaztea, bakarrik heltzen diren adingabe atzerritarrak hartzen dituen Bilboko lehen harrerako zentro batean, alegia.
Adina egiaztatzeko agirien faltan, Aldundiak ez zuen oraindik gaztearen tutela eta hori egiaztatu bitartean, "behin-behineko arreta" ematen ari zitzaion.
Adin txikikoentzako lehen harrerako zentroa Zornotzakoa da berez, baina gaur egun obretan dagoenez, Galdakaoko Vivero zentroan bizi dira egoera horretan dauden adingabeak.
Segurtasan Sailak jakitera eman duenez, ikerketa zabalik da gertatutakoa argitzeko.
Oraingoz, ez dute kasuari buruzko beste informaziorik zabaldu.