Gizartea -
GERTAKARIA
Pertsona bat hil da Ultzamako etxebizitza batean izandako sutean
Suhiltzaileak etxebizitzaren barrura sartu direnean topatu dute hilotza. Eraikinaren teilatua eta solairua behera erori dira sutearen ondorioz.
ANE SANTESTEBAN | EITB MEDIA
Pertsona bat hil da astelehen goizean Ultzaman (Nafarroa), Iraizozko etxe batean izandako sutean, EITB Mediak jakin duenez. Suhiltzaileek etxebizitzaren barruan aurkitu dute gorpua, aurretik emakume bat onik atera ondoren.
Sutea goizean piztu da, oraindik argitu gabe dauden arrazoiak direla medio, eta etxebizitzaren teilatua eta bigarren solairua behera erori dira. Suhiltzaileek emakume bat erreskatatu dute lehen solairuan, baina bigarren solairuan zegoen pertsona ezin izan dute bizirik atera.
Osasun langileak, suhiltzaileak, Guardia Zibila eta Foruzaingoa bertaratu dira sutea izan den tokira.