Gizartea -
Ezbeharra
Zauritutako arrantzale bat erreskatatu dute Donostiako kala batean
Tximistarri zonaldeko kala batean arrantza egiten zebilela, gizonezkoa erori da eta hanka apurtu du. Ondorioz, Ertzaintzak helikopteroz erreskatatu behar izan du.
Erredakzioa
Ertzaintzako helikoptero batek gizonezko bat erreskatatu du Donostiako kala batean, Herrizaingo Sailak jakitera eman duenez. Jazoera Tximistarri zonaldeko kala batean gertatu da, gizonezkoa arrantza egiten zebilela, erori denean eta hanka apurtu duenean.
12:30ak aldera herritar batek Larrialdi Zerbitzuak deitu ditu eta zaurituaren berri eman du. Ertzaintzako patruila batzuk eta osasun zerbitzuko zenbait kide mobilizatu dira. Gizonezkoa zegoen zonalde malkartsua dela eta, zauritua helikopteroz erreskatatu behar izan dute. Hortik suhiltzaileen egoitzara eraman dute eta ondoren, anbulantziaz ospitalera.
