Bi gazteri tiro egin die motozikletara hurbildu ostean, Sevillan

Sevillako Lurralde-Probintziako Lehenengo Atalak bost urteko eta hamar hilabeteko espetxe-zigorra ezarri dio 25 urteko gazte bati bere motorrara hurbildu ziren bi lagun tirokatzea leporatuta. Tiroen ondorioz, haietariko batek zauriak jasan zituen oinean eta besteak, berriz, hankan.

Lurralde-Auzitegiak ebazpenean azaldu duenez, jazoera 2008ko maiatzaren 25ean gertatu zen. Akusatua Sevillako Bellavista zumarkalean kokatutako bere etxebizitzan zegoen eta terrazara irten ostean, bere motozikletatik gertu zeuden bi gazte ikusi zituen. Haiekin eztabaidatzen hasi zen eta bat-batean akusatuak pistola bat hartu zuen eta bi lagun horien aurka egin zuen tiro.

Haietariko batek tiro bat jaso zuen ezkerreko hankan eta besteak, eskumako oinean. Gainera, motozikletak 100 eurotako kalteak jasan zituen.

Fiskaltzak akusatuari hilketa saiakera delitu bi leporatzea eskatu zuen baina Auzitegiak eskaera errefusatu zuen ez baita egiaztatuta geratu tiro egin zuenean akusatuak "bi lagun horiek hiltzeko asmoa zuela".