Hiru pertsona hil ziren atzo Nafarroan, covid-19aren ondorioz

Positibo kopuruak, berriz, beheranzko joerari eusten dio. 432 covid kasu berri zenbatu ziren atzo, bezperan baino 113 gutxiago.

Iruñeko taberna baten barrualdea. Artxiboko argazkia: EFE

EITB MEDIA

publikatuta: 2022/02/11 08:25 (UTC+1)

azken eguneratzea: 2022/02/11 14:47 (UTC+1)

Hiru pertsona hil ziren atzo Nafarroan, covid-19aren ondorioz, eta 432 kutsatze berri zenbatu zituzten, azaroaren 30etik izandako kopururik txikiena da.

Orotara, koronabirusa atzemateko 1.921 proba egin ziren, eta positibotasuna % 22,5ekoa izan zen.

Foru Gobernuak zabaldutako datuen arabera, 167 daude covid-19agatik erietxean ingresatuta, eta horietatik 21 ZIUetan.

Asteazkenean, 545 positibo hauteman zituzten eta pertsona bat hil zen covid-19aren ondorioz Nafarroan.

Datuak osasun eremuaren arabera bereizita, Iruñeko II. Zabalgunea da auzorik zigortuena, 17 positibo atzeman baitituzte bertan azken 24 orduotan; Sarrigurenen eta Barañainen 16na kasu zenbatu dituzte, eta Arrotxapean eta Arangurenen 13na kutsatze izan dira.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Albisteak Nafarroa Gaixotasunak argazkiak Gizartea Eguneko albisteak Gaurko azken orduko albistea Nafarroako Gobernua berriak Osasunari buruzko albisteak Nafarroako Ospitale Gunea COVID olatu berria

Hiru pertsona hil ziren atzo Nafarroan, covid-19aren ondorioz

Esteka kopiatuta