Ijitoen nazioarteko eguna

Gizartean erabateko integrazioa lortzeko helburuarekin ospatzen dute nazioarteko ijitoen eguna. Aurrerapen asko egon diren arren, oraindik gauza asko egiteke daudela adierazten dute zifrek, besteak beste, hezkuntzan, izan ere, analfabetismo tasa, beste espainiarrekin alderatuta, laukoitza da.

Data honekin, Londresen, 1971ko apirilaren 8an egin zuten mundu osoko batzarra gogoratu nahi dute, orduan sortu baitzen ijitoen bandera eta ereserkia.

Aurten gainera, Ijitoentzako Espainiako Inklusio Estrategia martxan jarri dute, proposamen eta politika berriekin lan egiteko helburuarekin, Espainia osoan eta baita Europar Batasunean ere, 2012 Europako Estrategia programaren bitartez.

Bestalde, Jaurlaritzak aste honetan ijitoen parte hartze sozial eta promoziorako bigarren euskal plana onartu du. 2008-2011 urte bitartean dagoeneko martxan egon da, eta beste bi urtez luzatzea erabaki dute.