Gizartea -

alerta meteorologikoa

Abisu horia Euskadin, olatuengatik eta elurragatik

Eusko Jaurlaritzako Segurtasun Sailak aurreikusi duenez, 4 metrorainoko olatuak espero dira, eta elurra barnealdean, 800-900 metroan.

Olatuak, Zarautzen. Artxiboko argazkia: Lorentxo Portularrume
Olatuak, Zarautzen. Artxiboko argazkia: Lorentxo Portularrume
Olatuak, Zarautzen. Artxiboko argazkia: Lorentxo Portularrume

Agentziak | EITB Media

Whatsapp Facebook Twitter Telegram Email

Eusko Jaurlaritzako Segurtasun Sailak abisu horiak aktibatu ditu, nabigaziorako arriskuagatik (4 metroko olatuak espero dira) eta elurragatik barnealdean (elur-kota 800-900 metroan kokatuko da).

Abisu horia atzo arratsaldean (15:00) sartu zen indarrean, kostaldeko kalteengatik. Olatuak 3,5 eta 4 metro artean ibiliko dira, eta ipar-mendebaldeko haizeak 6ko indarrarekin joko du, baina eguneko azken orduetan urritu egingo da.

Halaber, 18:00etan, beste abisu hori bat aktibatu zuten, elurragatik. Elur-kota 1.000 metrotik jaitsiko da, eta azken orduetan 800-900 metroan ibil liteke.

1.000 metrotik gorako eremuetan, elurrak 2 eta 10 zentimetro arteko lodiera harrapatzea espero da, Segurtasun Sailak igandean jakitera eman duenez.

Astearte honetan, normaltasuna itzuliko da apurka-apurka. Kostaldeko kalteengatik ezarritako alerta murriztuz joango da, eta goizaldeko seiak aldera desaktibatuko dute.

Elurrari dagokiona, berriz, 09:00etan bukatuko da. Goizaldean zehar, 800-900 metroan egongo da kota, baina goizean zehar 1.000 metrotik gora igoko da berriro.

Hau zure interesekoa bada, baliteke beste gai hauek ere izatea
Alerta meteorologikoak bideoak EAE albisteak Eguraldia Donostia Gizartea albisteak Elurra bideoak Gaurko titularrak Gaurko azken orduko albistea Euskadiko kostaldea albisteak