Gizartea -
Osasun larrialdiaren amaiera
Bilboko metroak gaueko zerbitzua berreskuratuko du asteburuan
Ostiraletan 02:00ak arte eskainiko da zerbitzua, eta larunbat eta jai bezperetan, gau osoan. Egunez indarrean dago ordutegi berria, eta ELAk salatu duenez
E. G. | EITB MEDIA
Osasun-larrialdi egoera bertan behera geratu ondoren, amaitu dira ordutegi aldetik garraio publikoan zeuden ordutegi murriztuak. Hori dela eta, asteburu honetatik aurrera gaueko zerbitzua berreskuratuko du Bilboko metroak.
Metroaren 1. eta 2. lineatan, ostiraletan, 02:00ak arte ibiliko dira trenak, eta larunbat eta jai bezperetan, gau osoan.
Bien bitartean, indarrean jarraitzen du hilaren hasieratik ezarritako ordutegi berriak. ELA sindikatuak salatu duenez, zerbitzua % 20 murriztu dute. Metroaren zuzendaritzak onartu du zerbitzua aldi baterako murriztu izana, bidaiari gutxiago daudelako eta euren langileen artean bajak ugaritu direlako.
