Itxi

Gizartea

KORONABIRUSA

ZIUetan ospitaleratutako pertsonak % 20 jaitsi dira azken bi asteetan Euskadin

Naiara Ballesteros | EITB Media

Asteazken honetan, 65 pertsona larri zeuden, eta igandean, 75. Era berean, gela arruntetan ospitaleratutako pertsonen kopurua txikiagoa da, igandean 374 izatetik asteazkenean 312 izatera igaro baita.

  • Basurtuko Ospitaleko ZIUa.

    Basurtuko Ospitaleko ZIUa. Artxiboko argazkia: EFE.

Zainketa intentsiboetako unitateetan (ZIU) ospitaleratutako pertsonen kopurua % 20 jaitsi da Euskadin azken astean, Gotzone Sagardui Osasun sailburuak ETB1eko "Egun on Euskadi" saioan ostegun honetan adierazi duenez.

Osasun Sailaren buletin epidemiologikoaren datuen arabera, asteazken honetan 65 pertsona larri zeuden, igandean 75 ziren eta duela astebete 81. Era berean, gela arruntetan ospitaleratutako pertsonen kopurua txikiagoa da, igandeko 374tik asteazken honetako 312ra igaro baita.

Gainera, 14 eguneko intzidentzia metatua 100 puntu jaitsi da egun batean, eta 1.032 kasu daude 100.000 biztanleko. Asteleheneko datuak 1.393,32 kasuko intzidentzia metatua erregistratu zuen. Hilabete honen hasieran, adierazle hori 3.000 puntu ingurukoa zen.

Lurraldez lurralde aztertuta, Arabak du intzidentzia metatuaren adierazlerik baxuena, 994,22 pertsona, ondoren Bizkaia (964,19) eta Gipuzkoa (1.125,12) daude.

Covid-19aren pandemiak beheranzko joerarekin jarraitzen du Euskadin, azken 24 orduetan 1.027 positibo berri detektatu ondoren. 6.412 proba diagnostiko egin dituzte, eta positibotasun tasa % 16,2ra jaitsi da. Asteko kutsatzeak ere ia erdira jaitsi dira aurreko astearekin alderatuta; izan ere, zazpi egun horietan 7.770 detektatu diuzte.

7 eguneko intzidentzia-tasa metatuak, epe laburragora covid-aren bilakaera adierazten du, nabarmen jaisten jarraitzen du eta 100.000 biztanleko 353,23ekoa da.

Birusaren birsorkuntza indizearen beheranzko joera (R0) moteldu egin da eta 0,68koa da, aurreko asteko bera. R0 txikiagoa da Araban (0,66) Bizkaian (0,68) eta Gipuzkoan (0,69) baino.

Pandemiaren aurrean "aurrera egiten jarraitzen dugu", eta "zaintzen jarraitu behar dugu, denok ezagutzen ditugun neurrien bidez", erantsi du.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena