Gizartea -
Gertakaria
Gizon bat atxilotu dute Gasteizen exhibizionismo delitua egotzita
Ertzaintzak 55 urteko gizon bat atxilotu du adingabeei sexu-organoak erakustea leporatuta.
Erredakzioa
55 urteko gizon bat atxilotu dute Gasteizen adingabeen aurrean sexu-organoak erakutsi eta masturbatzea egotzita. Exhibizionismo delituaz gain agintaritzari jarkitzea egozten diote gizonezkoari.
Herrizaingo Sailak jakinarazi duenez, gertakaria atzo jazo zen, 22:00etan. Zerbitzuz kanpo zegoen agente batek gizonezko bat adingabeen aurrean masturbatzen ari zela ikusi zuen. Orduan, berarengana joan eta ertzaina zela ohartarazi zion.
Une horretan gizonak ihesari eman zion agentearen ohartarazpenei entzungor eginez, eta irainka eta mehatxuka hasi zitzaion. Baina, agenteak, azkenik, gizonezkoa atxilotzea lortu zuen. Exhibizionismo delitua eta agintaritzari jarkitzea egozten diote.