2 gradutik gorako bi lurrikarak dardara eragin dute Iruñerrian

Iruñean eta inguruko herrietan bizi diren herritarrek dardarak nabaritu dituzte bart. Esteribar izan da 2,5 eta 2,3 graduko bi lurrikaren epizentroa, Espainiako Institutu Geografiko Nazionalak emandako informazioaren arabera.

Aurrenekoa, 2,3koa, 23:19an sentitu da Iruñean, Elkanon, Gorraitzen, Ibirikun, Atarrabian, Altzuzan, Burlatan, Uharten, Mutiloagoitin, Olatzen, Lakidainen, Ollokin, Sarrigurenen eta Billabetan.

Bigarrena segundo batzuk geroago izan da, eta udalerri gehiagotan nabaritu dute: Iruñean, Altzuzan, Ardatzen, Burlatan, Elian, Gorraitzen, Uharten, Olatzagutian, Urrotzen, Ibirikun, Olatzen, Zenborainen, Lizoainen, Ollokin, Osteritzen, Sarrigurenen, Atarrabian, Billabetan eta Zuriainen.

Geroxeago, 00:38an, beste lurrikara bat gertatu da. Sartzen izan du epizentroa, Pirinioetan, eta herritarrek ez dute nabaritu, 1,6 graduko intentsitatea izan baitu.