Suak enpresa bat kiskali du Erandion

Sua material elektrikoa pilatzen duen enpresa batean piztu da, Lutxana-Asua errepidearen ondoan. Inor ez da zauritu, baina kalte material handiak izan dira. BI-735 errepidea itxi egin behar izan dute inguru horretan.

Suak ke-laino handia eragin du. Argazkia: Bizkaiko Suhiltzaileak — Sutea Erandioko enpresa batean

AGENTZIAK | EITB MEDIA

publikatuta: 2022/04/04 21:26 (UTC+2)

azken eguneratzea: 2022/04/05 10:02 (UTC+2)

Sua piztu da gaur gauean Erandioko enpresa batean eta garrek eraikina kiskali dute. Pabilioia Lutxana-Asua errepidearen ondoan dago eta gertakari horren ondorioz BI-735 errepidea itxi egin behar izan dute inguru horretan.

Segurtasun Sailak azaldu duenez, sua 20:50ean piztu da eta suhiltzaileak berehala bertaratu dira. Ertzaintzak eta Udaltzaingoak zirkulazioa bideratu dute.

Ezbeharraren unean lantegia hutsik zegoen, baina inguruko enpresa bat jendez hustu behar izan dute. Ez da zauriturik izan, baina garrek eraikina suntsitu dute.

Sua kontrolpean dago, baina suhiltzaileek bertan segitzen dute.

Hau zure interesekoa bada, baliteke beste gai hauek ere izatea

Erandio Bizkaia Euskal Autonomia Erkidegoa Suteak Gizartea Eguneko albisteak Albisteak Enpresen albisteak Suhiltzaileak

Suak enpresa bat kiskali du Erandion

Esteka kopiatuta