Gizartea -
Liskar batean
Madrilen hildakoarekin lotutako atxilotuetako bik 12 urte dituzte
Arma batek eragindako zauriengatik hil da 16 urteko gaztea. Poliziak hamar lagun atxilotu ditu eta lau aihotz eta pistola bat atzeman dizkie.
Erredakzioa
Ostiral honetan arma batek eragindako zauriengatik hildako 16 urteko gaztearekin lotutako hamar atxilotuetako bik 12 eta 13 urte dituzte. Vallecasen izandako jazoeraren ondorioz, hamar largun atxilotu dituzte. Atxilotuei aihotzak atzeman dizkiete, baita pistola bat ere. Poliziak Adingabeen Fiskaltzaren esku utziko ditu deklaratu ostean.
Atxilotuetako bost lagun dominikarrak dira, bi espainiarrak, eta besteak Errumaniakoak, Perukoak eta Ekuadorrekoak dira.
Vallecaseko Peña Gorbea kalean gertatu da ezbeharra. Gazteak arma batek eragindako bi zauri zituen, bularraldean eta lepoan. Larrialdietarako zerbitzuek ezin izan dute ezer egin gaztearen bizitza salbatzeko, izan ere, balek zauri larriak eragin dizkiote.
Lehen ikerketen arabera, biktimak bi tiro jaso ditu atxilotuekin liskar bat izan ostean.
