Gizartea -
Ezbeharra
Gizonezko baten hilotza atera dute Bidasoa ibaitik, Irunen
Uretara erori da, Faisaien uhartearen parean, Herrizaingo Sailak jakitera eman duenez. Jatorri errumaniarreko eta 32 urteko gizonezko bat zen.
Erredakzioa
Larrialdi zerbitzuek gizonezko baten hilotza atera dute Bidasoa ibaitik, Irunen. Ibaira erori da, Faisaien uhartearen parean, Herrizaingo Sailak jakitera eman duenez. Jatorri errumaniarreko 32 urteko gizonezko bat zen.
21:30ak inguruan hainbat pertsonek 112-Sos Deiak larrialdi zerbitzuetara deitu dute, eta gizonezko bat Bidasoa ibaira erori izana ohartarazi dute.
Uretan barrena ehun bat metrora zegoen, eta 22:00etan lortu dute gizonezkoa ibaitik ateratzea. Hilik zegoela ziurtatu baino ezin izan dute egin.
Ertzaintzak ikerketa ireki du, ezbeharraren nondik-norakoak argitzeko.