Gizartea -
Ibilaldia
Ibilaldiarekin hitzordua dute gaur Abusun
Abusu Ikastolak antolatu du Bilbo eta Arrigorriaga arteko auzoan egingo duten 44. Ibilaldia. Indarberriturik itzuli da Bizkaiko ikastolen jaia; 4,2 kilometro izango ditu ibilbideak, eta ekintza sorta oparoa eskainiko dute.
EITB Media
Gaur Ibilaldia egingo dute Abusun, Erro, harri, har leopean. Abusu Ikastolak antolatuta, familia zein lagunekin "euskaratik eta euskaraz" ospatzeko eguna izango dute Bilbo eta Arrigorriaga arteko auzoan, Bizkaian.
Iaz, osasun-neurriak tarteko, ez zen ohiko ibilbiderik izan, baina edizio berriak bere erroari eutsi dio. Abusu inguratzen duen 4,2 kilometroko ibilbidea izango da aurten, "auzoari begira dagoen ikastola irudikatu nahian".
Aurtengo Ibilaldiaren abestia Onintza Enbeitia kazetari eta bertsolariak sortu du, leloa abiapuntu harturik. Iker Villa, La Basu, Afrika Bibang eta Yogurinha Borova artistek jarri diote ahotsa kantari. Bideoklipa ere egin dute, Mikel Clementek zuzenduta.
Euskal Herriko hainbat lekutatik joandako jendetza hartuko du Abusuk. Auzora heltzeko garraio publikoa erabiltzeko eskatu du Ibilaldia Elkarteak, errazagoa eta erosoagoa izango baita. Metro Bilbao, EuskoTren, Renfe eta BilboBus enpresek zerbitzu bereziak antolatu dituzte igande horretarako.
3 kluba eta "Goa!zen", Ibilaldian
Bertan izango dira EITBren 3 kluba eta "Goa!zen", 2. gunean (Erro). 3 klubeko kide egiteko aukera egongo da bertan. Gainera, "Goa!zen"en emanaldia eskainiko du EITBk 17:00etan, eta Antxusekin argazkiak egin ahalko dituzte haurrek. EITB ikastolen ospakizunetako babesle nagusi da beste behin.
Egitaraua
Elkarlanari esker, musika, jokoak, ikuskizunak, kirola, dantza, ipuinak... izango dituzte bueltan aurtengo Ibilaldian. Egitaraua lau guneetan banatu dute: Ikastola (Abusu ikastola), Erro (Ibaieder parkea), Harri (Ollargan) eta Har (Montefuerte). Ibilbidearen hasierako ekitaldia 10:00etan izango da, ikastolan. Bertan, Abusu ikastolak lekukoa pasatuko dio 2023ko Ibilaldiko antolatzaileari, Ondarroako Zubi Zahar ikastolari.
1. gunea: Ikastola
10:30-11:30 Erronka proba
12:00-12:45 Ipuin kontalaria
13:30-14:15 Imanol Ituiño magoa
15:00-15:45 Yogurinha Borova
16:30-18:00 Aiko
2. gunea: Erro (Ibaieder parkea)
10:30-11:00 Abusuko abesbatza
11:30-12:15 Bokabeats
13:00-13:30 Afrika Bibang
14:15-15:00 Txapito Guzman eta Ibarrako langostinuek
15:30-16:15 Disko txantxa
17:00-18:00 Go!azen
3. gunea: Harri (Ollargan)
11:00-11:15 Bolintxu dantza taldea
12:00-12:15 Etorkizuna musikatan
13:00-13:30 Herri kirolak
14:00-14:45 Kai Nakai
15:30-16:15 Itziarren semeak
17:00-18:00 Oxabi
4. gunea: Har (Montefuerte)
11:15-11:45 Dantza tailerra
12:30-13:15 Garilak 26
14:00-14:45 Modus Operandi
15:30-16:15 Str
17:00-18:00 Dj Bull
