Gizartea -

Emakumeen aurkako indarkeria

Gizon batek sastadaz hil du emaztea Malagan

Biktimak berak larrialdi zerbitzuetara deitu du, eraso egin diotela abisatuz. Ustezko erasotzailea ihes egiten saiatu da, baina erori da eta orkatilak hautsi ditu. Ospitaleratuta dago, Poliziaren zaintzapean.

AGENTZIAK | ERREDAKZIOA

Whatsapp Facebook Twitter Telegram Email

52 urteko gizonezko batek sastadaz hil du 50 urteko emaztea Benajarafen, Velez-Malagako udalerrian, Andaluziako larrialdietarako zerbitzuko iturriek jakitera eman dutenez. Erasotzailea atxilotu dute.

Iturri berdinek azaldu dutenez, 00:40ak aldera biktimak berak deitu du larrialdi zerbitzuetara, eraso egin diotela abisatuz, La Sirena urbanizazioan kokatutako haren etxean. Liskarra izan omen da bikotekideen artean, eta senarrak labanaz eraso egin dio emazteari.

Medikuak bertaratu dira baina ezin izan dute emakumea salbatu. Arma zuriz eragindako zauriak zituen biktimak.

Arropa zabaltzeko lekutik ihes egiten saiatu da ustezko erasotzailea, baina erori egin da eta orkatilak hautsi ditu. Ospitaleratuta dago, Poliziaren zaintzapean. Ikerketak zabalik jarraitzen du.

Indarkeria matxistagatik 2008an senarra salatu zuen emakumeak. Espainiar Estatuan aurten genero-indarkeriagatik izandako 17. biktima da, eta 2003az geroztik, berriz, 1.146.a.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Andaluzia Tratu txarrak Delituak Gizartea Indarkeria matxistaren biktimak Eguneko albisteak Albisteak Matxismoa