Gizon bat atxilotu dute Irunen, taberna batean emakume bati ukituak egitea egotzita

Gizonezko bat atxilotu zuten joan den larunbatean Irunen (Gipuzkoa), sexu-erasoa leporatuta, bertako taberna batean emakumezko bati ukituak egiteagatik, Irungo Udalak jakinarazi duenez.

Erasoa larunbat goizaldean jazo zen, udalerriko erdiguneko taberna batean. Gizon batek emakume bat molestatu zuen behin eta berriz, eta ukituak ere egin zizkion.

Emakumearen lagun batek Poliziari deitu zion, eta bertaratutako agenteek erasotzailea identifikatu eta udaltzaingoaren komisariara eraman zuten atxilotuta, ustezko-sexu erasoa egotzita. Ondoren, epailearen aurrera eraman zuten.

Irungo Udalak erabat gaitzetsi ditu "abusu guztiak eta emakumeek jasaten dituzten eraso guztiak", eta elkartasuna adierazi dio biktimari.

Gainera, herritar guztiek "horrelako gertaerak arbuiatzen eta gaitzesten jarraitzearen garrantzia" nabarmendu du.