Eritze inguruan trenbide inguruan piztu den sua kontrolpean dago

Arratsaldeko 14:30ak aldera, Nafarroako suhiltzaileek Itza herrian, Eritze inguruan, trenbidearen ondoan beste sute bat piztu dela ohartarazi dute, baina dagoeneko fokuak kontrolatzea lortu dute.

Inguruko suhiltzaileak eta Nafarroako Gobernuko bi ur-hegazkin aritu dira sua itzaltzeko lanetan eta nekazariak ere suebakiak egiten aritu dira traktoreekin. 

Nafarroako Gobernuko iturriek jakitera eman dutenez, badirudi trenak berak piztu duela inguruko zelaia hainbat tokitan.

Tren zerbitzua eten egin behar izan dute puntu horretan, eta eragina izan du A-15 eta N-240 errepideetan ere, baina normaltasuna da nagusi jada inguruan.