Gizartea -
Gertakaria
Ertzain bat harrapatu dute Erandion istripu batez arduratzen ari zela
Ertzaina ezbeharraren aurretik izandako istripu baten atestatua egiten ari zen Avanzadako errepidean (BI-637), Erandion (Bizkaia).
Erredakzioa
Ertzain bat zauritu da astelehen honetan ibilgailu batek harrapatuta Avanzadako errepidean, horren aurretik izan den istripu baten atestatua egiten ari zenean, Erandion (Bizkaia), Herrizaingo Sailak jakitera eman duenez.
Ertzaintzako hainbat agente 13:00etan ezbehar horren aurretik izan den istripuaren atestatua egiten ari ziren, lehen aipatutako errepidean, Getxoko noranzkoan.
Ibilgailuetako batek kontrola galdu du eta agenteetako bat harrapatu du. Horren ostean biktima Gurutzetako Ospitalera (Barakaldo) eraman dute artatzera. Ez du zauri larririk, Herrizaingo Sailaren arabera.