Joshua Garcia-Herranz itsas zoologoa: "Itsasoan arriskutsuak gizakiok gara. Ez da gure ekosistema"

"Euskal kostaldea oso aberatsa da marrazoetan, 30 inguru ditugu". Hala azaldu digu itsas zoologoak. Katauarrainetatik hasi eta 8 metro baino gehiago dituzten marrazo erraldoietaraino. Horiez gain, izurdeak, baleak, itsas dordokak... ikus ditzakegu gure kostaldetik asko urrundu gabe. "Xibartak eta bale urdina adibidez. Espezie hauek duela urte asko ohikoagoak ziren, baina desagertzen joan ziren. Orain bueltan ditugula ematen du berriz ere". Aldiz, Atlantikoko balea grisa eta euskaldunon balea, lehen arruntak ziren bi espezie, galdu egin ditugula kontatu digu Joshua Garcia-Herranzek.