Gizartea -

bero-boladak

Frantziak ur murrizketak ezarri ditu herrialdeko 88 departamendutan lehortea dela eta

Herrialdearen zati handi bati eragin dio lehorte bortitzak, ondoz ondoko bero-boladen eta prezipitazio falta luzeen ondorioz.

Uztaileko lehen hamabostaldia herrialdean ezagutu den arorik lehorrena izan da. Argazkia: EFE
Uztaileko lehen hamabostaldia herrialdean ezagutu den arorik lehorrena izan da. Argazkia: EFE
Uztaileko lehen hamabostaldia herrialdean ezagutu den arorik lehorrena izan da. Argazkia: EFE

agentziak | eitb media

Whatsapp Facebook Twitter Telegram Email

Frantziako autoritateek ur-murrizketak ezarri dituzte herrialdeko 88 departamendutan lehorteagatik aktibatutako alertaren ondorioz. Batik bat, mendebaldeko eskualdeei eragin die, Loirerriari edo Poitou-Charentesi adibidez; baita ekialdekoei ere, Isère, kasu.

Herrialdearen zati handi bati eragin dio lehorte bortitzak, ondoz ondoko bero-boladen eta prezipitazio falta luzeen ondorioz.

Île-de-France departamenduan, Orge eta Rémarde ibaien arro hidrografikoetako 60 udalerriak alerta egoeran sartu ziren ostegunean prefeturaren aginduz, BFMTV kateak jakitera eman duenez.

Uztaileko lehen hamabostaldia herrialdean ezagutu den arorik lehorrena izan da, eta horrek hilabete honetan zehar gertatutako zenbait baso-sute larri gertatzea erraztu du, Meteo France agentziaren arabera.

Frantziako zerbitzu meteorologikoak ez du aurreikuspen onik igorri hemendik abuztuaren hasierara arte: ia ez da euririk espero datozen bi asteetan zehar, Pirinioak eta Alpeak salbuetsirik.

Hau zure interesekoa bada, baliteke beste gai hauek ere izatea
Frantzia albisteak Gizartea bideoak Gaurko titularrak Albisteak Ingurumena azken ordukoa Ura azken ordukoa Bero-boladak azken ordukoa Frantziako Gobernua gaur Lehortea gaur