Gizartea -
Lapurdi
Eraikin bat erori egin da Donibane Lohizuneko erdialdean, sute baten ondorioz
Salagoity kalean jazo da. Sutea 5:00ak aldera piztu da. Lehen informazioen arabera, nahita piztu dute, eta, barruan, irten nahi ez duen pertsona bat izan da.
EITB MEDIA
Eraikin bat eraitsi egin da Donibane Lohizuneko erdialdean, Salagoity kalean, sute baten ondorioz. Sutea 5:00ak aldera hasi da, eta, Euskadi Irratiak emandako lehen informazioen arabera, nahita piztu dute, eta pertsona bat izan da etxebizitzaren barruan; polizia-iturriek Euskadi Irratiari eman diotenez, azken pertsona horrek ez zuen etxetik irten nahi, nahiz eta horretarako eskaera egin dioten.
Sutea piztu den eraikinak hiru solairu zituen, eta hirugarrenean piztu da.
Euskadi Irratiak jakin ahal izan duenez, pertsona bat izan da etxean, eta ez zuen bertatik irten nahi.
