Gizartea -
Indarkeria matxista
Gasteizen emakume batek jasandako sexu-abusua ikertzen ari da Ertzaintza
Biktimak, erietxe batean artatu behar izan dutena, eta salaketa jarri du jada; hala, Ertzaintzak ikerketa hasi du gertatutakoa argitzeko. Oraindik ez dute inor atxilotu.
Agentziak | EITB MEDIA
Gaur goizaldean Gasteizen emakume bati egindako sexu-abusua ikertzen ari da Ertzaintza.
Eusko Jaurlaritzako Segurtasun Sailak jakitera eman duenez, biktimak salaketa jarri du jada, eta hasiera batean sexu-erasoa izan zitekeela jakinarazi zuten arren, azkenean, sexu-abusua jasan izanagatik jarri du emakumeak salaketa. Kontuak horrela, Ertzaintzak ikerketa abiatu du gertatutakoa argitzeko; oraindik ez da atxiloketarik egin.
Gainera, emakumeari laguntzeko osasun-zentro batera bideratu den protokoloa aktibatu dute.