Gizartea -

Trafikoa

Mugan eratutako auto-ilarek kaosa eragin dute berriz Irunen

Biriatuko mugan ilara luzeak sortu dira berriz ostegun honetan, eta horrek kaosa ekarri du Irunen eta Zarautzen.

Auto-pilaketak, artxiboko irudian.
Auto-pilaketak, artxiboko irudian.
Auto-pilaketak, artxiboko irudian.

Agentziak | EITB MEDIA

Whatsapp Facebook Twitter Telegram Email

AP-8 autobidean auto ilarak amaitutzat eman dira gaur gauean Irunen, Baionako noranzkoan, Eusko Jaurlaritzako Trafiko Zuzendaritzak jakinarazi duenez.

Pilaketak 9 kilometrotara iritsi izan dira egunean zehar AP-8ko puntu horretan, eta Zarauzko bidesariaren parean ere esanguratsuak izan dira.

Hala, Segurtasun Sailak amaitutzat eman ditu gaueko 22:30ak aldera.

Bestalde, GI-3440 errepideko 16. kilometroan, Hondarribian (Gipuzkoa), zuhaitz bat erori da.

Santanok "konponbideak" eskatu ditu

Jose Antonio Santano Irungo alkateak mugako herriaren "etsipena" adierazi du AP-8 autobidean, udalerriaren parean, izaten ari diren "auto ilaren" aurrean.

Prentsaurrekoan, Santanok gogora ekarri du AP-8ko mugako puntu horretan ohiko fenomenoa direla auto pilaketak, "urtero abuztuaren amaieran ematen dena", baina orain arte ez direla "hilabete erdialdera gertatu".

Irungo alkateak "kezka" azaldu du "iparraldera doazen milaka ibilgailuren kolpe garrantzitsu" horren aurrean. "Datozen asteetan urtero bezala" gertatuko direla aurreikusi du, eta "konponbideak" eskatu ditu.

Hau zure interesekoa bada, baliteke beste gai hauek ere izatea
Trafikoa Gipuzkoa Zarautz Gizartea Eguneko albisteak Irun argazkiak Albisteak A-8 Autobidea