Gizartea -
indarkeria matxista
36 urteko gizon bat atxilotu dute Oñatin, bikotekideari eraso egiteagatik
Atxilotu ostean, polizia-etxera eraman dute, eta bertan dirau epailearen esku geratu zain.
eitb media
36 urteko gizon bat atxilotu dute igande goizaldean Oñatin (Gipuzkoa), bikotekideari eraso egiteagatik genero indarkeria delitua egotzita, Ertzaintzak eitb.eus-i jakinarazi dionez. Biktima, berriz, osasun zentro batera eraman dute.
Gainera, atxilotuak bertaratutako Ertzaintzako zenbait kideri eraso egin die, eta agintaritzaren aurkako atentatuaren delitua ere egotzi diote.
Atxilotu ostean, polizia-etxera eraman dute, eta bertan dirau epailearen esku geratu zain.
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Ertzaintza
Indarkeria matxista Espainian
Euskal hiriburuak
Gipuzkoa
EAE
Gizartea albisteak
Indarkeria matxista
Albisteak Gaur
Oñati
Gaurko azken ordukoa
Matxismoa
Debagoieneko azken ordukoa
