Gizartea -
indarkeria matxista
Gizon bat atxilotu dute Iruñean, sexu erasoa egotzita
38 urteko atxilotua behin-behineko askatasunean geratu da.
agentziak | eitb media
Iruñeko Foruzaingoak 38 urteko gizon bat atxilotu du, igande goizaldean emakume gazte bati sexu erasoa egin izana egotzita. Epailearen aurretik igaro ostean, behin-behineko askatasunean utzi dute.
Gaztelugibel inguruan gertatu zen erasoa eta, Foruzaingotik Efe agentziari jakinarazi diotenez, "ia-ia unean" izan zen atxiloketa.
Epailearen esku utzi zuten jarraian, eta biktimarekiko 300 metroko urruntze agindua ezarri zion horrek, Gaztelugibel ingurura gerturatzeko debekuarekin batera, iturri judizialek zehaztu dutenez.
Hau zure interesekoa bada, baliteke beste gai hauek ere izatea