Gizartea -
Zirkulazio istripua
Motorzale bat hil da Hernanin, zirkulazio istripu batean
Tamaina handiko txakur batekin egin du talka gidariak, eta errepidetik atera da. Ondoren, maldan behera erori da. Ezbeharra 07:00etan jazo da, Antziola auzoan.
Erredakzioa
47 urteko gizonezko bat hil da asteazken honetan Hernanin (Gipuzkoa), motor istripu batean, Herrizaingo Sailak jakinarazi duenez.
Errepidean tamaina handiko txakur batekin egin du talka gidariak, eta, motozikletatik airean atera da. Ondoren hiru metro inguruko sakonera duen malda batera erori, eta, istripuak eragindako zaurien ondorioz, hil egin da 47 urteko Hernaniko motorzalea.
Ezbeharra 07:00etan jazo da, Antziola auzoan, Galarretarako noranzkoan.
Ertzaintzak ikerketa abiatu eta ezbeharra ikusi duten lekukoen laguntza eskatu du.
