Asto bikote baten kontra talka egin dute bi autok N-1 errepidean, Idiazabalen

Argitu gabeko arrazoiengatik N-1 errepidearen erdian zeuden asto bi hil dira Idiazabalen (Gipuzkoa), bi autok harrapatu ostean, Eusko Jaurlaritzako Trafikoa Zuzendaritzak aditzera eman duenez.

Istripua larunbat goizalde honetan gertatu da. Idiazabal parean, Gasteizerako noranzkoan, N-1 errepidean zegoen asto bikote baten kontra egin dute bi ibilgailuk. Animaliak hil egin dira.

Larrialdietarako zerbitzuek gidariak artatu dituzte, baina onik daude, eta ez dute ospitalera eraman behar izan.

Animalien hilotzak behin errepidetik kenduta, zirkulazioa berrabiarazi dute normaltasunez.