Oiartzunen desagertutako gizonaren hilotza aurkitu dute

Pasaiako portuko uretan topatu dute gorpua.

Erredakzioa

azken eguneratzea: 2012/05/30 12:40 (UTC+2)

Joan den igandetik Oiartzunen desagertuta zegoen gizonaren hilotza aurkitu du Ertzaintzak Pasaiako portuan, uretan.

Gaur goizean Ertzaintzako hainbat urpekari portuko uretan sartu eta miaketa egin dute bertan. Han aurkitu dute desagertutako gizonaren hilotza.

Polizia lanak eta eginbide judizialak bukatuta, Donostiako Medikuntza Auzitegiko Zerbitzura eramango dute hilotza, autopsia egiteko.

Joan den igandean desagertu zen 66 urteko gizona Oiartzunen.

Hau zure interesekoa bada, baliteke beste gai hauek ere izatea