Itxi

Gizartea

Genero indarkeria

Gizon batek bere emaztea hil du, biak soraluzetarrak, Benidormen

M. D. | EITB Media

Biktimaren gorpua Alacanteko udalerriko bere etxean aurkitu dute Polizia Nazionaleko agenteek senarra trafiko istripuan hil dela esatera joan direnean.

  • Benidorm.

    Benidorm. EITB Mediaren bideo bateko irudia

68 urteko emakume soraluzetar baten hilketa ikertzen ari da Polizia Nazionala Benidormen (Alacant). Genero Indarkeriaren kontrako Espainiako Gobernuaren ordezkaritzak konfirmatu duenez, indarkeria matxista kasu bat izan da.

Polizia agenteek emakumearen gorpua aurkitu dute haren etxean, indarkeria zantzuekin, senarra trafiko istripu batean hil dela jakinaraztera joan direnean. Etxebizitzako atea irekita zegoen.

Emakumea Zarautzen eta Elgoibarren (Gipuzkoa) ere bizi izandakoa da.

Biktimaren 73 urteko senarra da ustezko hiltzailea, eta trafiko istripuan hil da, zantzuen arabera, bere buruaz beste eginda.

Ustezko hiltzaileak izandako auto istripua. Irudia: EFE

Ustezko hiltzaileak izandako auto istripua. Irudia: EFE

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
  • Bisitatuena

      Kargatzen ikusiena
      Kargatzen ikusiena