Gizartea -

INDARKERIA MATXISTA

Barakaldon igandean gertatutako sexu eraso bat ikertzen ari da Ertzaintza

Emakumeak salatu duenez, erasoa igande gauean izan zen. Dena dela, Segurtasun Sailak ez du gertatutakoaren inguruko xehetasun gehiagorik eman: ez ordua, ez lekua, ezta kasuarekin lotutako beste zehaztasunik ere.

EITB MEDIA

Whatsapp Facebook Twitter Telegram Email

Igande gauean Barakaldon (Bizkaia) emakume bati egindako sexu eraso bat ikertzen ari da Ertzaintza, Segurtasun saileko iturriek adierazi dutenez.

Antza denez, gertakariak joan den igandean gertatu ziren, baina ez dute zehaztu ez noiz, ez non gertatu zen, eta kasuari lotutako bestelako xehetasunik ere ez dute eman.

Azaldu dutenez, biktimak salaketa jarri du, eta, ondorioz, kasuari lotutako ikerketa zabaldu dute. Oraingoz, baina, ez dago atxiloturik.

Ez da Barakaldon gisa horretako eraso bat gertatzen den aurreneko aldia; izan ere, irailaren 4an, orain aste gutxi, Ertzaintzak beste ikerketa bat zabaldu zuen igande goizaldean gertatutako sexu eraso baten harira.

Irailaren 22an Argitan talde feministak eraso matxisten aurkako elkarretaratzea egin zuen Barakaldon, udan zehar izandako erasoak salatu asmoz.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Indarkeria matxista gaur Bizkaia Barakaldo Euskal Autonomia Erkidegoa Gizartea Eguneko albisteak Albisteak Matxismoa Sexu erasoak