Gizartea -
Trafikoa berrezarrita
Santurtziko Porturako sarrera ireki dute atzotik itxita egon eta gero
N-644 errepidean zirkulazioa berrezarri dute jada. Atzo kamioi batek istripua izan eta errepidera isuritako gasolioaren ondorioz itxi egin behar izan zuten.
Erredakzioa
Santurtziko porturako bidea, A-8arekin batzen dena, 07:00etan ireki dute, ostegun arratsaldeko lehen orduaz geroztik itxita egon eta gero. Kamioi batek istripua izan zuen Mamarigako tunelean eta barruan zeraman gasolioa isuri zuen bidera.
Ertzaintzak jakinarazi duenez, errei bat oraindik ez dute asfaltatu baina autoak jada bertatik pasatu daitezke.
