Gizartea -

TRAFIKOA

Trafikoa normaltasunera itzuli da Errenteriatik Donostiarako bidean, zisterna-kamioi batek su hartu ostean

Suaren ondorioz, zirkulazioa erabat eten behar izan dute 07:20ak aldera AP-8ak eta GI-20 errepideak bat egiten duten lotunetik gertu. 08:30ak aldera, baina, bi bideak ireki dituzte berriz ere.

Zisterna-kamioi batek su hartu du gaur goizean, eta GI-20 errepidea itxi behar izan dute Errenterian

0:19

EITB MEDIA

Whatsapp Facebook Twitter Telegram Email

Zisterna kamioi batek su hartu du GI-20 errepidean, Errenterian, eta Donostiara doan bidea erabat itxi dute, Eusko Jaurlaritzako Segurtasun Sailak eitb.eus-i baieztatu dionez. 08:30ak aldera, baina, bi norabideak berriz zabaldu dira eta trafikoa normaltasunera itzuli da.

Ezbeharra 07:20ean gertatu da Agustinen auzo parean, AP-8ak eta GI-20 errepideak bat egiten duten lotunetik gertu. 

Lehen unean errepidea guztiz itxi dute, bi norabideetan. 07:55ean, ordea, Irunerako bidea zabaldu dute, eta 08:30ean, berriz, guztiz ireki dute errepidea trafikoarentzat. Istripuan ez da inor zauritu.

Zisterna kamioiak han jarraitzen du, garabiaren zain, baina lanak egiten ari diren eremuan dagoenez, ez du errepidea oztopatzen.

Hau zure interesekoa bada, baliteke beste gai hauek ere izatea
Trafiko Ezbeharrak gaur Trafikoa Donostia bideoak Gipuzkoa EAE albisteak Gizartea albisteak Trafikoko web-kamerak Donostian Gaurko titularrak Errenteria Albisteak A-8 Autobidea Merkantzia-garraioa