Gizartea -
Nafarroa
Hiru lagun atxilotu dituzte marihuana plantazio batekin lotuta, Bortzirietan
Dron baten laguntzarekin atzeman zituzten 94 landareen jabeak uzta biltzen ari zirenean.
agentziak | eitb media
Foruzaingoak 24, 29 eta 41 urteko hiru pertsona atxilotu ditu Bortzirietan droga landatzea edo egitea leporatuta, 94 marihuana landare atzeman ostean.
Foruzaingoak jakitera eman duenez, landareen usaina atzeman zuten utzitako baserri batean, eta sasien atzean 94 marihuana landare handiko plantazio bat aurkitu zuten. Bertan zeuden, era berean, landaketarako erabiltzen diren tresnak.
Hala, dron baten laguntzarekin, plantazioaren arduradunak harrapatu zituzten lanean, eta alde egitera zihoazenean atxilotu zituzten.