Gizartea -
Bi emakume kartzelan
3 urteko haurraren hilotza Valentziako zabortegi batean aurkitu dute
Amak bi lagunen zaintzapean utzi zuen umea, eta haren desagerpenaz ohartarazi zuten joan den asteazkenean. Bi lagun horietako batek haurra hilik zegoela aitortu zuen gerora.
Erredakzioa
Dos Aguas (Valentzia) zabortegian aurkitu dute asteazkenetik desagertuta zegoen 3 urteko haurraren hilotza, ikerketako iturriek jakitera eman dutenez.
Haurraren amak bi lagunen zaintzapean utzi zuen umea, eta haren desagerpenaz ohartarazi zuten joan den asteazkenean. Gerora, bi lagun horietako batek haurra hilik zegoela eta hilotza Valentziako zabor edukiontzi batean utzi zutela aitortu zuen.
Bi emakumeak kartzelara igorri dituzte.