Gizartea -

Trafikoa

Biriatuko ordainlekuan kontrolak egiten jarraituko du Frantziak, auto-ilarak gorabehera

A-63ko enpresa emakidaduna "haserre" agertu da opor sasoietako itzulera operazioetan bereziki mugan izaten diren auto-pilaketengatik. Inguruko udalerrietako alkateek askotan salatu dutenez, egoera "jasanezina" da.

Biriatuko ordainlekuaren irudietako bat, Irunen. Argazkia: EITB MEDIA
Biriatuko ordainlekuaren irudietako bat, Irunen. Argazkia: EITB MEDIA
Biriatuko ordainlekuaren irudietako bat, Irunen. Argazkia: EITB MEDIA

AGENTZIAK | EITB MEDIA

Whatsapp Facebook Twitter Telegram Email

Opor sasoietako itzulera operazioetan bereziki Biriatuko ordainlekuan sortzen diren auto-ilarak gorabehera, kontrolak egiten jarraituko du Frantziako Gobernuak.  

Bidegi foru agentzia eta ASF A-63 errepideko enpresa emakidaduna aste honetan bildu dira eta, baieztatu dutenez, "etorkizun hurbilean ez dira aldaketarik izango". Hortaz, bi estatuen arteko muga erabiltzen duten pertsonak eta merkantziak kontrolatzen jarraituko du Frantziako Gobernuak. Gipuzkoako Foru Aldundiak gogoratu duenez, sei hilabetez Schengen akordioaren salbuestea eskatu dio Frantziako Gobernuak Europari, segurtasun nazionaleko arrazoiak tarteko.

A-63ko enpresa emakidaduna "haserre" agertu da opor sasoietako itzulera operazioetan bereziki mugan izaten diren auto-pilaketengatik baina, Frantziako Poliziaren agindupean dagoenez, trafikorako irekita dauden kabina kopurua murriztu behar ditu. Horrela, 10 bideetatik bost edo sei daukate irekita: Hendaiatik datozen autoentzako da horietako bat, eta beste bi edo hiru, berriz, kamioientzako.

Bidegik eta ASFk adostu dutenez, hiru hilabetero batzartuko dira, informazioa partekatzeko eta mugaren konexioa hobetzeko helburuz.

Arazo errepikakorra

Aintzane Oiarbide Bide Azpiegitura diputatuak "mugan ordena berrezartzeko beharrezko neurriak hartzeko" eskatu dio Espainiako Gobernuari. "Biriatuko auto-ilarak arazo errepikakorra dira, Bidasoaldea eta Donostialdea guztiz kolapsatzen duten auto-ilara luzeak sortzen dira, bai polizia frantsesak egiten dituen kontrolengatik, bai ibilgailu astunentzako epe bateko mugen ondoren guztiak pilatzen direlako".

Hau zure interesekoa bada, baliteke beste gai hauek ere izatea
Trafiko Istripuak Trafikoa Gipuzkoa Iparraldea Frantzia Gizartea Trafiko webkamerak Eguneko albisteak Albisteak Trafiko istripuen biktimak Gipuzkoako Foru Aldundia