Gizartea -

ISTRIPUA

Hiru haur arin zauritu dira Artazun, eskolara zihoan mikrobus bat iraulita

Istripua 09:00ak baino minutu batzuk lehenago gertatu da, 10 bidaiari zeramatzan eskola-ibilgailua bidetik atera, eta NA-7040 errepidean irauli denean, Gares inguruan.

Aratazun irauli den eskola garraiorako mikrobusaren irudia. Iturria: Foruzaingoa
Aratazun irauli den eskola garraiorako mikrobusaren irudia. Iturria: Foruzaingoa
Hiru haur zauritu dira Artazun, eskola-garraiorako mikrobus bat iraulita

0:40

ANE SANTESTEBAN | EITB MEDIA

Whatsapp Facebook Twitter Telegram Email

Hiru adingabe arin zauritu dira eskola garraiorako mikrobus bat iraulita Artazun, Gares inguruan (Nafarroa), eta Nafarroako Unibertsitate Ospitalera eraman dituzte, Euskadi Irratiak jakin ahal izan duenez.

Foruzaingoaren arabera, 08:45ean gertatu da ezbeharra. Hamar bidaiari zeramatzan eskola-mikrobusa bidetik atera, eta irauli egin da NA-7040 errepidean, Artazu parean. Ondorioz, hiru adingabe zaurituta eraman dituzte Nafarroako Unibertsitate ospitalera. Zauri arinak dituzte.

Mikrobusean zihoazen gainerako bidaiariak onik atera dira, gidaria eta zaintzailea barne.

Suhiltzaileak, bi anbulantzia medikalizatu eta Foruzaingoaren patruilak bertaratu dira. Foruzaingoa istripua nola gertatu den ikertzen ari da.

Hau zure interesekoa bada, baliteke beste gai hauek ere izatea
Trafiko Istripuak errepideetan Gaurko albisteak Nafarroan Gizartea Prentsa digitalaren azken orduko Eguneko albisteak