Bigarren autopsia egin diote Portugaleten hilda agertu zen emakumeari, haren heriotzaren arrazoia argitzeko

Joan den asteburuan Portugaleten, Nerbioi ibaiaren itsasadarrean, hilda agertu zen emakumearen gorpuari bigarren autopsia egin diote, haren heriotzaren arrazoiak argitzeko.

Bizkaiko Zubitik gertu aurkitu zuten gorpua, larunbat goizaldean, ur gainean. Lehen ikerketan arabera, bost egun inguru zeramatzan hilda. Antza, halterofilian erabili ohi diren bi pisu zituen gerrira lotuta.

Hainbeste egunez uretan egonda, gorpua egoera oso txarrean zegoen eta horrek ikerketa zaildu du. Dena den, 60 urte inguruko emakume bat dela jakin dute. Oraingoz ez dute hipotesi bat bera ere baztertu, ezta suizidioarena ere.

Ertzaintza eta Guardia Zibila ari dira kasua ikertzen.