Gizartea -
Tuteran
Hiru gazte zauritu dira, bizikletan zihoazela, auto batek harrapatuta
Horietako batek zauri larriak jaso ditu. Istripua Tuteran bart izan da, hiru adingabe bizikletan zihoazela, ibilgailu batek atzetik harrapatu ostean.
Erredakzioa
Adingabe batek zauri larriak jasan ditu eta beste adingabe bi zauritu dira ostiral gau honetan Tuteran izandako istripu batean. Ezbeharra Tuteratik Fiterora doan NA-160 errepideko 3,125 kilometroan jazo da, adingabeak bizikletan bata bestearen atzean zihoazela, atzetik zetorren ibilgailu batek adingabeak harrapatu dituenean.
Ilaran azkena zihoan gaztea (15 urtekoa eta Tuterako auzokidea) larri zauritu da, eta, ondorioz, anbulantzia batek Nafarroako Ospitalera eraman du. Gainontzeko bi adingabeak (14 urtekoak), Sofia Erregina Ospitalera eraman dituzte. Ibilgailuaren gidariak (22 urtekoa) ez ditu zauririk jaso.