Hainbat pasealeku eta parke itxita egongo dira Donostian asteartean denboralearen ondorioz

Haize eta olatuengatik Segurtasun Sailak asteazkenera bitartean jarri dituen abisu horien eta alerta laranjaren ondorioz, Donostiako Udalak hainbat pasealeku eta parke itxita izango ditu asteartean, urtarrilaren 17an.

Honako espazio hauetarako sarrera dago debekatuta:

·         Pasealeku Berria: Itxita dago oinezkoentzat zein ibilgailuentzat.

·         Haizearen Orrazia: Sarrera itxita dago.

·         Leizaola pasealekua: Sartzea debekatuta dago.

·         Aiete parkea: Kultur Etxera eta Topalekura joateko izan ezik, sarbidea itxita dago.

·         Cristina Enea parkea: Barrura sartzea debekatuta dago, baina inguruan dauden Mundaiz Bidea, Mikel Laboa pasabidea eta Urumea P.-FG Lorca Pasealekua irekita daude.

·         Urgull mendia: Orixe ikastolara joateko izan ezik, sarbidea debekatuta dago.

·         Miramar parkea: Loretopea-Mirakontxa bidea hartzeko izan ezik, sarbidea debekatuta dago.

·         Serafin Baroja parkea: Sartzea debekatuta dago.

·         Oroimenaren lorategia: Sarrera itxita dago.