Gizon bat atxilotu dute Indian, alabari burua mozteagatik

Gizon bat atxilotu dute Indian, ustez bere alabari burua mozteagatik eta gero biktimaren buruarekin kaletik ibiltzeagatik. Dirudienez, hilketaren ustezko egilea obsesionatuta zegoen bere alabak zenbait gizonekin zituen harremanekin.

Zorigaitza igandean gertatu omen zen, Indian, Rajasthan mendebaldeko Dungar ji Ka Gudan herrian. Ustezko hiltzaileak 55 urte ditu eta meatzaria da. Dirudienez, gizonak biktima lo zegoela aprobetxatu zuen hilketa egiteko. Ondoren, auzokideen mehatxupean, bere alabaren burua eta erabilitako arma hartu eta polizia-etxera joan zen.

Bertako Poliziak adierazi duenaren arabera, biktimaren aita “oso haserre zegoen alabak aldi berean zenbait gizonekin zituelako sexu-harremanak, eta horrek bere erreputazioari kalte egiten ziolako”.