Gizartea -
Araba
Gasteizko diskoteka batean asteburuan hainbat pertsona sastatu zituen ustezko erasotzailea espetxeratu dute
Epaileak kartzelara bidali du deklaratu ondoren. Ertzaintzak arma zuriz eraso egitea egotzita atxilotu zuen 21 urteko gizona.
EITB MEDIA
ETBk jakin duenez, Gasteizko diskoteka batean asteburuan hainbat pertsona sastatu zituen ustezko erasotzailea espetxeratu dute, epailearen aurrean deklaratu ostean.
Gizon bat oso larri zauritu zen. Ertzaintzak 21 urteko gizon bat atxilotu zuen, arma zuriz eraso egitea egotzita, eta ikerketa abiatu zuen gertatutakoa argitzeko.
Biktima larriena Txagorritxuko Ospitalera eraman behar izan zuten, eta egoera kritikoan dago.
Gorka Urtaran Gasteizko alkate eta Eudeleko presidenteak publikoki eskatu du arma zuriak daramatzatenei zigorra gogortzeko eta diskoteketako segurtasun-langileei baliabideak emateko, erasoak saiheste aldera.